يا اهل الميدان
النصر بان
ان الاوان
ننقذ بلدنا
نصون ولادنا
من اللى بايع واللى خان
نبدأ... وربنا مستعان
وربى اللى باعبد
وزرعى اللى باحصد
وعرضى وعرضك
كرامتى وكرامتك
بايدى ومكنتك
فى ارضى وارضك
لنزرع محبه وكرامه وسلام
وصبر وعزيمه وطاقة نيران
والفه ووحده
نكون يد واحده
نرد المهانه نعيد الامان
***
بلادى الابيه
ولادك اهيه
شباب ورد طاهر
وقام بالتظاهر
بدون بندقيه
واسقط نظام
حبيب الصهاينه عميل الامريكان
بجهله فى قصوره
وعنده وغروره
ما نفعه سروره
شريفه وقارونه
جيوشه وهامان
***
يا اهل الميدان
صبرتم وصبرنا
وهنصبر كمان
يقولك هنخسر
خسرنا زمان
تجيبولنا فوضى
ما فاض الميزان
ولادنا... وقتلوا
وسرقوا ونهبوا
وهربوا ورهبوا
بتوع الامان
***
يا اهل الميدان
قالوا ان انتم عمله
واتباع وخونه
وجيتو باجنده
لامريكا وايران
كلام نقل جهله
لاراذل وسفله
ولائهم لسيدهم
حبيب الصهاينه مطيع الامريكان
ما جم لجل يغزو العراقى من القنال
وقتلوا ولادنا فى قلب القنال
معونه واخدتم
فنمتم ..سكتم
حدودنا... وسبتم
تاريخنا.. وبعتم
صناعه ... خربتم
زراعه... قلعتم
دمانا... سفكتم
ولادنا... قتلتم
وقوتنا ...سرقتم
وليهم اطعتم
خضعتم
خنعتم
فمين فينا مخلص
ومين اللى خان
****
يا اهل الميدان
يا كل اللى رفعوا الرؤوس من جديد
يا كل اللى عادوا تاريخنا المجيد
يا كل اللى غلبوا البارود والحديد
يا كل اللى قدم حياته شهيد
وربى وربك
ما افرط فى دمك
تروح روحى لاجلك
اجلنا واجلك
بايد اللى صور صورنا وخلقك
هنفضل نجاهد لحين الاوان
يكون على اللى باعك وباعنى وخان
نعيد الكرامه
لاهل العروبه
ولادنا وولادكم
يا اهل الميدان
ــــــــــــــــــــــــــــــــــــ
خالد المسيرى2011
ليست هناك تعليقات:
إرسال تعليق